အောက်တိုဘာလဟာ စိတ်ကျန်းမာရေးအတွက် စိတ်ရင်းစေတနာအမှန်နဲ့ ပူးပေါင်းဆောင်ရွက်မှုတွေ၊ အရေးကြီးတဲ့ ကတိကဝတ်တွေကို မျှဝေခဲ့ကြတဲ့ လတစ်လ ဖြစ်ခဲ့ပါတယ်။ ၂၀၂၅ ခုနှစ် ကမ္ဘာ့စိတ်ကျန်းမာရေးနေ့ ကို အသိအမှတ်ပြုတဲ့အနေနဲ့ Counselling Corner ကနေ စိတ်ကျန်းမာရေးဟာ အရေးကြီးကြောင်း၊ ပံ့ပိုးကူညီမှုဟာ အသိပညာပေးခြင်းက စတင်ကြောင်း မက်ဆေ့ချ်တစ်ခုတည်းအောက်မှာ အဖွဲ့အစည်းတွေနဲ့ တစ်ဦးတစ်ယောက်ချင်းစီကို စုစည်းနိုင်ဖို့ အွန်လိုင်းအသိပညာပေး လှုပ်ရှားမှုတစ်ခုကို စီစဉ်ခဲ့ပါတယ်။
လှုပ်ရှားမှုရဲ့ အဓိက အောင်မြင်မှုများ
ဒီနှစ် လှုပ်ရှားမှုမှာ လုပ်ငန်းခွင် စိတ်ကျန်းမာရေး အပေါ် အဓိကထား အာရုံစိုက်ခဲ့ပြီး၊ အဖွဲ့အစည်းတွေကို ပိုပြီး ဘေးကင်းလုံခြုံတဲ့၊ နားလည်မှုရှိတဲ့ လုပ်ငန်းခွင် ပတ်ဝန်းကျင်တွေ ဖန်တီးနိုင်ဖို့အတွက် သေးငယ်ပေမဲ့ အစွမ်းထက်တဲ့ ခြေလှမ်းတွေကို စတင်ဖို့ တိုက်တွန်းခဲ့ပါတယ်။ မြန်မာနိုင်ငံတစ်ဝှမ်းက Corporate မိတ်ဖက်တွေနဲ့ NGO အများအပြားဟာ ဒီလှုပ်ရှားမှုမှာ ပါဝင်ခဲ့ကြပြီး၊ သူတို့ရဲ့ ဝန်ထမ်းအဖွဲ့တွေရဲ့ စိတ်ကျန်းမာရေးကို ပံ့ပိုးဖို့ လုပ်ဆောင်ခဲ့တဲ့ လုပ်ရပ်တွေ၊ ခံစားချက်တွေနဲ့ ဇာတ်လမ်းတွေကို မျှဝေခဲ့ကြပါတယ်။ အခုလို အတူတကွ ပူးပေါင်းပါဝင်ခြင်းအားဖြင့် ‘စိတ်ကျန်းမာရေးသည် လူတိုင်း၏ တာဝန်ဖြစ်သည်’ ဆိုတဲ့ မက်ဆေ့ချ်ဟာ နိုင်ငံတစ်ဝှမ်းက သန်းနဲ့ချီတဲ့ ဝန်ထမ်းတွေဆီကို ရောက်ရှိသွားခဲ့ပါတယ်။
အားလုံးရဲ့ စုပေါင်းကြိုးပမ်းမှု
ဒီပဏာမခြေလှမ်းကို အောင်မြင်အောင် လုပ်ဆောင်နိုင်ခဲ့တဲ့ ကျွန်တော်တို့ရဲ့ မိတ်ဖက်တွေနဲ့ ပါဝင်သူအားလုံးကို ရင်ထဲကနေ အထူးကျေးဇူးတင်ရှိပါတယ်။ အားလုံးရဲ့ တက်ကြွစွာ ပါဝင်မှုက ကျွန်တော်တို့ အတူတကွဆိုရင် ရေရှည်အကျိုးသက်ရောက်မှုတွေကို ဖန်တီးနိုင်ပြီး၊ ပိုမိုစာနာမှုရှိတဲ့၊ စိတ်ဓာတ်ကြံ့ခိုင်တဲ့ လုပ်ငန်းခွင်တွေကို ထူထောင်နိုင်တယ်ဆိုတာကို ပြသနေပါတယ်။ ဒီလှုပ်ရှားမှုရဲ့ အောင်မြင်မှုဟာ လူမှုအသိုက်အဝန်းတွေနဲ့ အဖွဲ့အစည်းတွေ ပူးပေါင်းလုပ်ဆောင်မှသာ အသိပညာဟာ ပိုမိုတိုးတက် ခိုင်မာလာနိုင်တယ်ဆိုတဲ့ အရေးကြီးတဲ့ သတိပေးချက်တစ်ခုပါပဲ။
ရှေ့ဆက်သွားရန်
ကျွန်တော်တို့ ရှေ့ကို ဆက်လှမ်းသွားတဲ့အခါမှာ Counselling Corner အနေနဲ့ လုပ်ငန်းခွင်ဆိုင်ရာ ပရိုဂရမ်တွေ၊ အလုပ်ရုံဆွေးနွေးပွဲတွေနဲ့ အကြံဉာဏ်ပေးခြင်း ဝန်ဆောင်မှုတွေကနေတစ်ဆင့် အဖွဲ့အစည်းတွေကို ဆက်လက်ပံ့ပိုးပေးသွားဖို့ ကတိပြုပါတယ်။ ကျွန်တော်တို့ရဲ့ မိတ်ဖက်တွေကိုလည်း လှုပ်ရှားမှု ကာလတွေအတွင်းမှာတင်မကဘဲ၊ ဝန်ထမ်းတွေရဲ့ ကျန်းမာရေးအတွက် အဓိက အစိတ်အပိုင်းတစ်ခုအဖြစ် စိတ်ကျန်းမာရေးကို မြှင့်တင်ဖို့ တစ်နှစ်ပတ်လုံး ဆက်လက်ပူးပေါင်းလုပ်ဆောင်သွားဖို့ ဖိတ်ခေါ်ပါတယ်။
သင့်အဖွဲ့အစည်းရဲ့ စိတ်ကျန်းမာရေးဆိုင်ရာ လိုအပ်ချက်တွေကို ကျွန်တော်တို့ ဘယ်လို ပံ့ပိုးပေးနိုင်မလဲဆိုတာ ပိုသိချင်ရင် info@counsellingcornermyanmar.com ကို ဆက်သွယ်နိုင်ပါတယ်။