စိတ်ရှုပ်ထွေးခြင်း၊ စိတ်ဓါတ်ကျခြင်း၊ အထီးကျန်ခြင်းစသည့် စိတ်ပိုင်းဆိုင်ရာ ခံစားချက်များကို လက်တွေ့တွင် လူတိုင်းနီးပါးခံစားကြရပါသည်။ ထိုခံစားချက်များ အကြောင်းပိုမိုနားလည်နိုင်စေမည့် လမ်းစမှာ တစုံတယောက်ကို ရင်ဖွင့်ပြောကြားခြင်းဖြစ်ပါသည်။ စိတ်ပိုင်းဆိုင်ရာနှစ်သိမ့်ဆွေးနွေးအကြံပေးသူ (ကောင်စလာ) များသည်  သင်ပြောပြလိုသည့် အကြောင်းအရာများ၊ သင့်ခံစားချက်များကို စနစ်တကျ နားထောင်ကာ ဖေးမ ကူညီလမ်းပြပေးနိုင်ရန်အတွက် အထူးတလည် သင်ယူလေ့ကျင့်ထားသူများ ဖြစ်ပါသည်။ ၎င်းတို့သည် သင့်စကားကို နားထောင်ပေးပြီး အပြန်အလှန် အ‌မေးအဖြေလုပ်ပေးခြင်းဖြင့် သင့်ခံစားချက်များ၊ အတွေးများကို သင်ကိုယ်တိုင်နားလည်လာအောင်၊ ဖြေရှင်းလာနိုင်အောင် အကောင်းဆုံး လမ်းပြကူညီပေးနိုင်သူများဖြစ်ပါသည်။