မချယ်ရီ ဟာအတွေ့အကြုံရှိ Counsellor တစ်ဦးဖြစ်ပြီး ၂၀၁၅ ခုနှစ်တွင်ဆိုးလ်ခရစ်ယာန်တက္ကသိုလ်မှာ Counselling နှင့်ပါတ်သတ်တဲ့ ပါရဂူဘွဲ့ရခဲ့ပါတယ်။ သူမဟာ Yonsei University International Counselling & Coaching စင်တာမှာလည်း အလုပ်သင် အနေနဲ့ တစ်နှစ် တာဝန်ထမ်းဆောင်ခဲ့ပါတယ်။ ဆိုးလ်မှာနေထိုင်စဥ် ဆိုးလ်မြို့ရှိရပ်ကွက်ငယ်လေးမှရွှေ့ပြောင်းအလုပ်သမားများနဲ့မိသားစုများအားသူတို့၏ရုန်းကန်မှုများကိုကျော် လွှားနိုင်ရန် နဲ့ သူတို့ရဲ့ ကိုယ်ပိုင်အားသာချက်များနဲ့ရပ်တည်နိုင်ရန်ကူညီခဲ့ပါတယ်။ 2019 နှင့် 2020 ခုနှစ်တွင်သူမဟာရန်ကုန်ရှိ YMCA တွင် Counselling Supervisor တစ်ဦးအဖြစ်လုပ်ကိုင်ခဲ့ကာ စိုးရိမ်ပူပန်မှုလွန်ကဲပြီးနာကျင်စွာစိတ်ဝေဒနာ ခံစားနေရသူများကို ကူညီပေးရင်းအတွေ့အကြုံမြောက်မြားစွာ ရရှိခဲ့ပါတယ်။

မချယ်ရီ ရန်ကုန်သို့ပြန်လာသည့်နောက်တွင်လည်းအိမ်ထောင်ရေး၊ မိဘအုပ်ထိန်းမှုပုံစံ၊ အပြောင်းအလဲများအပေါ်ကိုင်တွယ်ဖြေရှင်းခြင်း စသည့် ပုဂ္ဂိုလ်ရေးဆက်ဆံရေးတွင် မိမိကိုယ်ကိုယ် တန်ဖိုးထားမှုမရှိခြင်း၊ စိုးရိမ်ကြောင့်ကြမှုများခြင်း၊ စိတ်ဓါတ်ကျခြင်းစသည်တို့ကို ရင်ဆိုင်နေရသူများနဲ့ ဆက်လက် လက်တွဲလုပ်ဆောင်ခဲ့ပါတယ်။ သူမဟာလူများအားသူတို့ရဲ့ဘ၀ တွင်အပြုသဘောဆောင်သောပြောင်းလဲမှုများပြုလုပ်နိုင်ရန် သိမှုနှင့်ဆိုင်သောအပြုအမူစိတ်ပညာဆိုင်ရာကုထုံး (Cognitive Behaviour Therapy) နှင့် ကုထုံးခံယူသူကိုအဓိကထားသောစိတ်ပညာကုထုံး (Person Centered Therapy) စသောကုထုံးများကိုအသုံးပြု လုပ်ဆောင်ပါတယ်။

မချယ်ရီ သည် ခရစ်ယာန်သာဿနာနှင့်ကြီးပြင်းလာသူဖြစ်ကာ မည်သည့်အသက်အရွယ်၊ မည်သည့် ဘာသာ၊ မည်သည့်နောက်ခံအကြောင်းအရင်းနှင့်လာသူဖြစ်ဖြစ်တစ်စုံတစ်ရာခက်ခဲသော အခြေအနေကို ရင်ဆိုင်ဖြေရှင်းရန်အကူအညီတောင်းခံလာပါကလည်း ကူညီပေးရန် အဆင်သင့်ရှိနေသူဖြစ်ပါတယ်။ သနားကြင်နာခြင်း၊ လက်ခံနားလည်ပေးခြင်းတို့ကသူမတွင်ရှိသောအရည်အသွေးများထဲမှ အနည်းငယ်သာ ဖြစ်ပါတယ်။

သူမဟာ လုံခြုံစိတ်ချရပြီး ဝေဖန်မှုမရှိတဲ့ ပတ်ဝန်းကျင်ကို တည်ဆောက်ကာ ပြောဆိုနိုင်စွမ်းရှိသူ လည်းဖြစ်ပါတယ်။ ကုထုံးခံယူသူများ မိမိအပေါ်မိမိစစ်မှန်လာပြီး ရင်ဆိုင်နေရတဲ့ ပြဿနာတွေကို ကျော်လွှား သွားနိုင်ရန် နဲ့ မိမိကိုယ်ကိုယ်ယုံကြည်ချက်တည်ဆောက်နိုင်ရန် စိတ်ဓါတ်စွမ်းအားမြှင့်တင်ပေးနိုင်သူတစ်ဦး လည်းဖြစ်ပါတယ်။