စိတ်ပိုင်းဆိုင်ရာကုထုံးနှင့် တစ်ဦးချင်းစိတ်ပိုင်းဆိုင်ရာနှစ်သိမ့်ဆွေးနွေးမှုပေးခြင်း

Counselling Corner မှ စိတ်ပိုင်းဆိုင်ရာ ကျွမ်းကျင်ပညာရှင်များသည် ကုထုံးနည်းလမ်းပေါင်းများစွာကို တတ်မြောက်လေ့ကျင့်ထားသူများဖြစ်ကာ စိတ်ပိုင်းဆိုင်ရာ နှစ်သိမ့်ဆွေးနွေးမှု ခံယူသ်များအနေဖြင့် မိမိတို့၏စိတ်ပိုင်းဆိုင်ရာ ပြဿနာများ၊ ပုဂ္ဂလိကပြဿသနာများကို ကိုယ်တိုင်ကိုင်တွယ်ဖြေရှင်းနိုင်ကာ ဘဝတွင် ကောင်းသော ပြောင်းလဲတိုးတက်မှုများ ရရှိစေရန် လမ်းပြဆောင်ကြဉ်းပေးမည်ဖြစ်ပါသည်။ ဝန်ဆောင်ပေးသည့် ကုထုံးနည်းလမ်းများတွင် နှစ်သိမ့်ဆွေးနွေးမှု ခံယူသူများကို ဗဟိုပြုသည့်ကုထုံး (client-centred therapy)၊ သိမှုနှင့် အမူအကျင့် ပြောင်းလဲခြင်းဆိုင်ရာကုထုံး (cognitive behaviour therapy)၊ psycho-dynamic therapy စသည့် ကုထုံးများအပါအဝင် အခြားကုထုံးများစွာပါဝင်ပါသည်။

Yစိတ်ပိုင်းဆိုင်ရာကုထုံးများနှင့် နှစ်သိမ့်ဆွေးနွေးမှုများခံယူလိုပါက စိတ်ပိုင်းဆိုင်ရာ ကျွမ်းကျင်ပညာရှင်တစ်ဦးနဲ့ ပထမဦးစွာ ရက်ချိန်းကြိုတင်ယူရပါမည်။ ပထမဆုံး တွေ့ဆုံသည့် အချိန်တွင် သင့်မှာရှိတဲ့ စိတ်ပိုင်းဆိုင်ရာ ပြဿနာတွေနဲ့ပတ်သက်လို့ ရှေ့ရသတ္တပတ်တွေမှာ ဘယ်လိုနှစ်သိမ့်ဆွေးနွေးမယ်ဆိုတာနဲ့ ပတ်သက်ပြီး အစီအစဉ်ဆွဲရပါမည်။ အကောင်းဆုံးရလဒ်များ ရရှိစေရန်အတွက် စိတ်ပိုင်းဆိုင်ရာ နှစ်သိမ့် ဆွေးနွေးမှုခံယူသူတစ်ဦးအနေဖြင့် မိနစ် ၅၀ကြာတဲ့ ကုထုံးဆက်ရှင် ၁၀ ခု ရယူရန် အကြံပေးထားပါသည်။ ဤကုထုံး ဆက်ရှင် ၁၀ခုသည် မယူမနေရမဟုတဘဲ မိမိ၏ အနေအထားအရ ကုထုံးဆက်ရှင်များကို ရပ်တန့်ခြင်း၊ ခေတ္တရပ်ဆိုင်းခြင်း၊ နှစ်သိမ့်ဆွေးနွေးသူပြောင်းလဲပေးရန် တောင်းဆိုခြင်း စသည်တို့ကိုလည်း လုပ်ဆောင်နိုင်ပါသည်။

ကျွန်ုပ်တို့အနေဖြင့် တစ်ဦးချင်းစိတ်ပိုင်းဆိုင်ရာနှစ်သိမ့်ဆွေးနွေးမှုများအပြင် စုံတွဲ (သို့မဟုတ်) မိသားစုလိုက် (သို့မဟုတ်) အဖွဲ့လိုက် စသည့် စိတ်ပိုင်းဆိုင်ရာ နှစ်သိမ့် ဆွေးနွေးမှုဝန်ဆောင်မှုများလည်း ပေးလျက်ရှိပါသည်။